-
قصة حبك كسر كبريائي
السلام عليكم ورحمة الله وبركاته
البارت الاول
في الممملكة العربية السعودية وخاصة عروس البحر جدة في احد الاحياء الفخمة نوعا ما
تحديدا في بيت ام فارس في طاولة الاكل قاعد ابو فارس وام فارس وفيصل وشوق
ام فارس : فين الجوهرة يا شوق ؟
شوق: مدري عنها خليني اكل اممم اكل مو طبيعي
يتريق>>>>>>فيصل : الله اكبر انتي ما تسكي فمك ابدا الله يعيننا امي انتبهي لا يخلص الاكل في البيت
شوق : ها ها ها ها ما تضحك
فيصل: ها ها ها ها ماقلت نكتة
ام فارس : خلاص انتي وهوا
شوق : طيب ماما هوا الي بدأ
ام فيصل : وانتي روحي نادي اختك
شوق : افففففف طيب
وهكذا ..................
نبدا بتعريف بيت ابو فارس:
ابو فارس الاب : 55 سنة الاب الاكبر في عائلة(......) اب مهتم في اسرته وحنون على عياله لكن وقت الجد جد ماسك شركه العيلة هوا واخونه
ام فارس : الام 45 سنة ام كأي الامهات حنونة طيبة ربة عيالها احسن تربية وتحب زوجها
فارس : 29 سنة الابن الاكبر لابو فارس متزوج لما بنت عمه ابو سلطان وعندو بنت اسمها حلا يشتغل في شركة العيلة
فيصل : 25 سنة الابن الثاني لابو فارس هذا عاد صايع ماهمو دراسة ولا شي طايش اهم ما عندوا الفلة يدرس ادارة اعمال
الجوهرة : 22 سنة بنت قوية ماتخاف من احد اهم شي كرامتها الي يدوس لها على طرف او على عيلتها ما تسيبوا تدرس 3 طب جراحة
شوق: 15 سنة ايش اقلكم عن شوق بنت تحب الاكل الاكل و الاكل و المشكلة ما يبان عليها نحيفة عصعوصة ( مسطلح غريب يعني انها نحيييفة ) دايما هيا وفيصل مضاربات و مصارعات .
في احد البيوت الثانية بيت ابو سلطان اخو ابو فارس
و بالتحديد في غرفة خالد
خالد : هادا تيشيرتي يا سراقة
سلطانة بعناد : مالي انا ابغاه
خالد : هادا حق الاولاد ياهبلا انتي بنت ماما ماما تعالي شوفي بنتك المسترجلة
ام سلطان : ايشبكم انتو ابوكم نايم
خالد : طيب شوفي بنتك الهبلة دي تبغى تاخد تيشيرتي عبيطة
سلطانة بقهر : افففففف اهبل
نعرفكم بعايلة ابوسلطان
ابوسلطان: 50 سنة الاب اب حنون طيب رجل اعمال ناجح زي اخووو
ام سلطان :43 سنة الام حنونة طيبة ربت عيالها باحسن تربية
سلطان : 28 سنة الابن الاكبر لابو سلطان له هيبة و الكل يحسبلوا حساب شخصيته قويه حنون بس ما يبين طيبتة وحنانه يشتغل دكتور نفس
احمد : 25 سنة الابن الثاني لابو سلطان طيب يخاف ربه و متدين
لما : 22 سنة بنت هادية لوحدها تحب تقرا كتب مثقفة تدرس قانون
سلطانة : 19 سنة ولد بهيئة بنت عربجية لابعد حدود ما تهتم لاحد و فرفوشة شويتين
الله يعيننا >>>>خالد : 13 سنة ناقر ونقير هوا و سلطانة توم وجيري
في احد البيوت الثانية بيت ابو ماجد
في الصالة
لميا : مامي انا رايحة عن صحبتي
ام ماجد : اوكي حبيبتي روحي وانتبهي على نفسك
لميا : اوك باي
مشيت وهيا طالعة الا لقت في وجهها تالة
تالة : فين رايحة ابا اروح معاكي
لميا : هيييي انتي بعدي عن طريقي
ودفتها وخرجت وسابت وراها بنت طايحة على الارض مقهور وتبكي
نعرفكم على عيلة ابو ماجد
ابو ماجد : 45 سنة اب غير عن اخواني ما عرف يوفق بين اسرته و شغله وطول الوقت في الشركة
ام ماجد :39 سنة ام حقودة وحسودة ما همها غير الجمعات و الطلعات و الحفلات ونسيت عيالها
ماجد : 27 سنة متزوج وحدة اسمها رهف و عندو بنت اسمها جوري
لميا : 19 سنة بنت اخدت صفات امها في الحقد والحسد و الغيرة من الناس وتحب سلطان وتسوي اي شي عشان تملكه
تالة : 13 سنة بنت صغيرة في عمر الزهور بس ما ليها احد يوجهها ويعلمها الصح من الغلط عندها ام حقودة واخت حقودة
ابو عبدالله : 70 سنة الجد
ام عبدالله : 60 سنة الجدة
عمر : الابن الاخير لابو عبدالله مو متزوج يحب الجوهرة و يموت فيها ودايما يدلعها و يوقف في صفها
انتهى البارت
اتمنى انكم تقولولي رايكم عن القصة
-
رد: قصة حبك كسر كبريائي
البارت الثاني:
في بيت ابو فارس في الصالة
الجوهرة : السلام عليكم
الكل: وعليكم السلام
ابو فارس : اسمعوا الاسبوع ذا طالعين االكباين مع اعمامكم جهزوا شنطكم
شوق : يا سلاااااااام حماس
فيصل : ارخي صوتك عمى فقعتي طبلت اذني
شوق بقهر : مالك دخل يا ابو راس
فيصل : اسكتي يا ام كشة
شوق راحت بقهر وشوية و حتبكي
في بيت ابو سلطان
ابو سلطان : يا عيال اخنا طالعين الاسبوع دا الكباين جهزوا نفسكم
كلهم نطوا راحوا يجهزوا اغراضهم
سلطان : الحمدلله والشكر يا امي عيالك اتجننوا
ام سلطان : مدري عنهم راسي بينفجر منهم كل يوم زعيق الله يعيننا
سلطان : يالله عن اذنكم ابا اروح العيادة
الكل : روح الله يوفقك
في بيت ابو ماجد في الصالة
ضحكة شيطانية <<<<<<ام ماجد : حنطلع الكباين الاسبوع داه ها ها ها ها
تالة : هيييييي حاشوف شوق وراحت مبسوطة
لميا : الحمدلله والشكر من فاهمة ليش بنتك لدي الدرجة مبسوطة
وراحت
في غرفة لميا
لميا : ياااااي حشوف سلطااااني
طق طق طق >>>>دق الباب
لميا : ميييييييين
تالة : انا
لميا : افففففف ادخلي
تالة بفرحة : ها محاتسوي شنطتك
لميا بقرف : افففف انتي جايتني هنا عشان تقوليلي كدا امشي اطلعي برا
ودفتها
طلعت تالة ودمعة فعينها دمعة قهر وحزن وزعل
يوم الطلعة الى الكباين
طبعا كل العايلات في سياراتهم الا الجوهرة وسلطان الجوهرة كانت نايمة ونسيوها وسلطان عنده اشغال بعدين يطلع
في سيارة ابو فارس
ابو فارس : الا الجوهرة فين
الكل : واااااه نسيناها نايمه
ابو فارس اتصل على ابو سلطان
ابوفارس: ايوة يا اخويا انا حارجع البيت نسينا الجوهرة في البيت
ابو سلطان بفجعة : الله اكبر نسيتوا البنت في البيت
ابو فارس : ايوة ههههه
ابو سلطان : لا خلاص خليكم هيا تجي مع سلطان لسة سلطان ما خلص اشغالوا
ابو فارس : طيب قول له لا ينسى
ابوسلطان : لا ماعليك محا ينسى
ابو فارس : طيب يلا سلام
عند الجوهرة قامت من النوم مفجوعة شافت الساعة 9 ونص و هما المفروض يحركوا 8 ونص نزلت بسرعة تبغى تشوف اذا في احد في البيت ولا لا وصلت الصالة ما شافت احد راحت المطبخ تشوف امها مافي احد لا شغلات ولا احد انفجعت اتصلت على امها تشوفهم فين
الجوهرة : الو ماما
ام الجوهرة : هلا حبيبتي صحيتي
الجوهرة : ماما بالله عليكم رحتوا ونسيتوني
ام الجوهرة معليش حبيبتي انتي حتيجي مع سلطان
الجوهرة : ايششششش ماما انتي تعرفي قد ايش هدا الرجال ينرفزني
ام الجوهر: معلسش حبيبتي مشيها
الجوهرة : اوككك باي
الجوهرة ( اوف دحين انا ايش اسوي مع دا المستفز الله يعينني )
عند سلطان
راح وشاف كل مرضاه بما انو دكتور نفس وخلص طفش راسو صدعت من كترهم الا سمع جواله يدق شافوا لقا ابوه
سلطان : هلا ابويا
ابو سلطان : بالله عليك يا ولدي مر على الجوهرة بنت عمك نسيوها كانت نايمة
سلطان : اففففف طيب
سلطان ( بالله هادي كمية نوم فيها يعني مني فاهم لازم امر لحضرة جنابها يالله عشان ابويا)
دحين كل العايلات وصلوا الى درة العروس >>>>>كباين في جدة
وراحوا فلتهم الكبيرة وهيا على البحر كانت كبيرة وحلوة وتكفيهم
وصلوا على الساعة 10 طبعا كل واحد اخد غرفة يرتاح والحريم سوا القهوة وقعدوا جلستهم الدائمة
ولسا سلطان والجوهرة ماجوا
نروح لهم دحين
الجوهرة قاعد تستناه خلصت ولسا ما شرف ( اف الله يعينني على شوفتوا )
اتصل جوالها وكان سلطان
الجوهرة : الو
سلطان : السلام عليكم
الجوهرة : وعليكم السلام
سلطان : انا برة
الجوهر في قلبها انا اوريك ان ما خليتك تتشوي برا ما اكون بنت ابويا : اوك
وسلطان المسكين قاعد يستناها ربع ساعة عصب واتصل عليها لكن بدون جدوى ما ترد واخر شي شرفت بنت ابوها
الجوهرة وعلى وجهها ابتسامة :السلام عليكم
سلطان وشياطين طالعة : انا مو قللتك انا برا من اول ولا انتي صنجة ما تسمعي
الجوهرة ببرود : اوه سوري نسيت
سلطان طالع فيها وقالها بعصبية : اسكتي لا ارتكب فيكي جريمة
الجوهرة بقوة : لا مني ساكتة مو انت اتخرت وما شرفت الا الساعة 11
سلطان طالع فيها وسكت وعلا السرعة من كتر العصبية
الجوهرة بخوف : يا مجنون ارخي السرعة
سلطان بعصبية اكبر من الي كانت : الجوهرة اسكتي احسن لك
الجوهرة سكتت بس مو من خوفها تبغاه يرخي السرعة
انتهى البارت
-
رد: قصة حبك كسر كبريائي
البارت 3
وصلوا الكباين الساعة 12 ونص وكان هدوء في السيارة بعد العصبية اللي فاتت
دخلوا وسلموا وقعدوا ( طبعا محد يغطي على احد يعني بس طرحة وملابس طويلة )
سلطانة بعربجية : ياهلا بالجوهرة ياهلا
فيصل باستهزاء : انتي يا عربجية وطي صوتك
سلطانة : انت ايش حارق رزك
فيصل : وانا اقول شوق تتعلم من مين العربجة من الاخت اللي قدامي
سلطانة : وايش فيها شوق قمر قمر
ام ماجد بغرور : اففف خلاص اسكتوا مني فاهمة بزورة
فيصل قام : استغفر الله
طبعا الرجال والحريم راحوا الغرف يرتاحوا
بقي البنات والشباب ما عدا سلطان نام وطبعا اذا في بنات في البيت البيت محا يهدا >>>>>>>> ايش فيهم البنات قمر
تالة وشوق و خالد في البحر يسبحوا و الجوهرة طلعت برا تشم هوا ولميا في غرفتها تخطط خططها الي زي وجهها
عند الجوهرة كانت قاعد تشم هوا وتفكر في نرفزة سلطان هدا الرجال ينرفزها يخليها تطلع من طورها من يوم ما تشوفوا كدا تحس انو مغرور ومتكبر هيا ماتنكر انو وسيم وجميل وهيبة بس متكبر <<<<سلطان في غرور وتكبر شوية
الجوهرة في نفسها: اساسا كل الرجال يبوا شي واحد وخاينين ومافي احد غير التاني
: بوووووووووووووووو
الجوهرة انفجعت : بسم الله
بعدين اتنرفزن : الله يرجك شتتي تفكيري
سلطانة : هههههههههه وبغمزة والله وسرنا نسرح فمين ها فمين
الجوهرة : هههههه ولااحد بس كدا اشم هوا واشوف البحر
سلطانة بشك : اها يعني ما في شي كدا ولا كدا
الجوهرة : مع نفسك هههه لا مافي لا كدا ولا كدا
نروح عند سلطان
استحمى وراح في البلكونة يشم هوا وشاف الجوهرة وسلطانة
سلطان :( هادي البينت مو طبيعية احسها مغروورة قوية ما تخاف من احد اول مرة اشوف بنت كدا مع اني اكره اي بنت على وجه الارض يسوا نفسهم ضعاف واخرتها الخيانة وهدي منهم يعني ما تفرق عنهم بشي بس اللهم انها قوية ومستفزة كمان بس ما انكر انها جميلة بس انا ما يهمني الجمال افففففف خليني اروح انزل بدل هذا الطفش )
لبس و اتكشخ ونزل رايح المرسى <<<<<<السقالة , المرينا الي هيا *_^
سلطانة وقفته : سلطان سلطان
سلطان : ها يا مرجوجة >>>>>سلطان مرة يحب سلطانة وما يحب يزعلها هيا الوحيدة من بين كل البنات يحسها غير عنهم
سلطانة : طلبتك
سلطان بابتسامة على هبلها : عطيتك
الجوهرة من يوم ما شافت ابتسامته تنحت ابتسامته غريبة عجيبة حلوة مرة
سلطانة : نروح معالك
سلطان : انتي ومين ؟؟
سلطانة : انا والجوهرة
سلطان طالع فين ما تاشر سلطانة لقاها متنحة ضحك : وقال اوك
سلطانة واقفة في مكانها متفاجاة
سلطان بابتسامة : اشبك عيونك حتطلع من مكانك
سلطانة بنطنطة : سلطان تضحك ماما ماما سلطان يضحك
سلطان : اشششششش الله يرجك
سلطانة : الله ضحكتك مرة حلوة
سلطان بغرور : عارف
هنا الجوهرة ارتفع ضغطها تقول في قلبها مغرور
سلطان : دقيقتين لو ما لبستوا حارووووح
سلطانة : دحين طياااارة
سلطان : لا هليكوبتر ههههه
سلطانة متفاجاة اكتر : وكمان دمك خفيف
الجوهرة تضحك على هبالت سلطانة تذكرها بفيصل
وارحوا يلبسوا
سلطان شاف فيصل في الشاطئ وقال له يروح يلبس عشان يجي معاهم
وصلو المرسى وهناك يعني في مطاعم و كافيهات وكدا زي الشارع بس طويييييييل ما فيلو سيارات بس النس يمشوا فيه وكافيها ويخت وكدا
راحوا في كفي من الكافيهات الي هناك وقعدوا فيه وكانت الجلسة هادية نوعا ما طبعا ما تخلو من هبالت سلطانة و فيصل
في الكبينة
طبعا الحريم والرجال جلسة وقهوة وشاي رجعوا من المرسى وجلسوا كانت الساعة 6 المغرب
كان هدوء والي كانو في المسبح طلعوا وجلسو لحد 11 و الحريم ناموا ما عدا البنات والشباب الليل طويييييل
اليوم الثاني
صحيت من النوم راسها مصدع من هبالت سلطانة وفيصل كل واحد منهم يكره التاني توم وجيري
راحت استحمت وصلت لبست قميص ابيض مع جينز فاتح و فلات بيض و طرحة سودة حطت حكل وبلشر مسكرة وقلوس ونزلت
الجوهرة:السلام عليكم
الكل : وعيكم السلام
وقعدوا يفطروا ماعدا سلطان ولميا لسا ما جوا
الجوهرة راحت تجيب موية بالصدفة شافت ..........................
انتهى البارت
ايش شافت الجوهرة ابا توقعاات
-
رد: قصة حبك كسر كبريائي
البارت 4
الجوهرة راحت تجيب موية بالصدفة شافت شي عمرها ما كانت تبغى تشوفوا
نروح لسلطان
صحيت من النوم استحميت ولبست قميص اسود وبنطلون سكيني جينز و جزمة (اكرمكم الله) سودة
وسوى شعره سبايكي شكله كان واااااو طالع شكله للمرة الاخير الي على دق الباب
سلطان: ادخل
لميا : هاي
سلطان اتفاجا بدخولها لدي الدرجة جريئة تجي وتدق الباب لا وبدون طرحة ولبسها(No comment ) : وعليم السلام
لميا : بسراحة انا ما اقدر اكل وانت مو على الطاولة يلا الفطور
سلطان برفعت حاجب : نعم ؟؟؟ <<<<<<زي يعني خير
لميا : اوه سلطان تعال شعرك مرة مخرب تعال ازبطلك هوا وقربت منه وكانت مرة قريبة
وهذا الشي اللي شافتوا الجوهرة
في غرفة الجوهرة
الجوهرة مصدومة وقاعدة تفكر ( انا عارفة انو كل الرجال زي كدا ومافي احد منهم غير وكلهم خاينين بس انا ليش دحين مصدومة وزعلانة ليش مضايقة ): ما اعرف مااعرف
وقامت معصبة وطلعت تتمشى في الشاطئ و تشم هوا
نروح للصالة اللي فيها العيلة
سلطانة بعربجه وقاعد كانها في قهوة اولاد : اف ايش هادا الطفش
فيصل : تصدق يا ابو الشباب حتى انا طفشان الجلسة بيض
سلطانة : يعني بالله هادي تريقة ولا ايش
فيصل بضحكة: اسالي نفسك انا بس حاب اسالك انتي بنت ولا ولد ؟؟؟
سلطانة : هيييي ما اسمحلك طبعا بنت بس انا ما احب الدلع مدري ايش زي الاخت >>>>>تطالع في لميا
لميا:ايش قصدك هاا
سلطانة : قصدي انك مدلعة مايعة وما تنبلعي
وبدات مشكلة لا نهاية لها وطبعا فيصل مبسوط لان سلطانة شفت غليله من الهبلة دي
وبعدها لميا طلعت بغرور : اف بنت مستفزة
وسلطانة راحت معصبة للغرفة وفيصل راح وراها
فيصل : ها ابو الشباب تخرج
سلطانة بحماس : فين
فيصل : نتمشى ونروح المرسى بس ها دقيقتين
سلطانة بمقاطعة: اوكي طيرااااان
وطلع مبتسم
عند سلطانة بتلبس لبست بلوزة بيضة وفوقها جكت خفيف اسود وجينز سكني وفلات اسود وطرحة حمرة كان شكلها كيووت
اوصفلكم شكل سلطانة بنت كيوووت مرة شعرها لضهرها اسود لونها برووونز مو طويلة ولا قصيرة وسط حلوة بس الي مخربها عربجيتها بس بس زادت حلاها
فيصل راح ليس قميص كحلي و سكني وسوا سبايكي كان شكله يجنن
فيصل عنده جاذبيه غريبة لون بشرته برونز هوا عادي بس مرة جذاب بلبسوا وشكله وكد
نروح عند سلطان
راح يتمشى على البحر ويشم هوا الا كانت في وجهه الجوهرة تطاع بنظرة ما عرف معناها يا انها نظرة حقد او قهر او استحقار نظرة غريبة طال فيها وقال في نفسه اشبها دي اكلتني بنظرتها بس ما همه مشي و سابها
اما عند سلطانة و فيصل مروا من عند الصالة كان فيها شوق تاكل وتاكل وماشبعت
شوق : هيييي انتو فين رايحين
فيصل : ايش دخل اهلك
سلطانة : رايحين نتمشى الاخ هدا وانا طفشانين
شوق : دقيقتين وانا معاكم
فيصل : لو اتخرتي عن الدقيقتين رايحين ترا
نروح عند الجوهرة بتكلم تلفون
الجوهرة : ايوا حبيبي
: هلا عمري
الجوهرة : خلاص انا مرة طفشت نفسي ارجع البيت وانت متى ترجع من السفر ترى وحشتني
: خلاص حبيبتي ما بفى غير 3 ايام وارجع
وبالصدفة سمعها سلطان وهيا تتكلم عصب و .......................
انتهى البارت
-
رد: قصة حبك كسر كبريائي
البارت 5
وبالصدفة سمعها سلطان وهيا تتكلم عصب و جا مسرع وسحب منها الجوال
: الجوهرة فينك ؟؟
ارتاح لمن عرف انها مو من النوع هذا من البنات و اعطاها الجوال
وهي من الفجعة مهي قادرة تسوي شي اخذت الجوال وقالت : هلا عمي معاك بس بابا يناديني بعدين اكلمك
وقفلت
الجوهرة بعصبية : انت مين سمحلك تاخذ الجوال بهذي الطريقة ؟؟؟؟
سلطان ببرود: انا سمحت لنفسي
الجوهرة بعصبية اكبر من استفزازه ليها: ليش انشاءالله ابويا انت اخويا انت
سلطان بنفس الاسلوب وياشر باصباعوا من فوق لتحت : لمن اشوف بنت عمي تتكلم بهذي الطريقة وكانه حبيبها يحق لي اسوي اللي وسويته
وقرب منها : صح ولا لا يا حلوة
الجوهرة بارتباك وبعصبية : افففففففففف مسستفز >>>>>ومشيت
سلطان واقف في مكانه وعلى وجه ابتسامة
نروح لسلطانة وشوق وفيصل
طبعا شوق ما سابت مطعم ما اشترت منه حلويات وشبسات واكلات و ............... الخ
سلطانة وفيصل رجولهم تعبت من كثر المشي ورا ست الحسن والجمال
سلطانة : ابو الشباب ايش رايك نرووووووح ونسيب اهلها في دا المكان ترا انا تعبت شووووووووووووووق
شوق بانسجاااام : هااااااا
فيصل بقهر : هوا
وبعدين بعد ما خلصت طفشوا ومشيوا البيت
نروح عند لميا من زمان ما رحنالها
قاعدة في السرير وتلفووونات الين الصباح
لميا : حبيبي ايش بتسوي دحين
عمار : ولا شي قلبي مع الشباب
وهكذا تضييييع في عالم االضياع مثلها كمثل الكثير من البنات الاتي لا يعرفن مصلحة انفسهم و في النهاية يقووولوا : عاااادي , العب بس وفي النهاية الضيااااع
في الصالة الساعة 9 ونص العيلة كلها جالسين ما عدا لميا قاعدين قهوة وشاي ومكسرات وكدا>>>>>جلسات العجايز
قاعدين يتكلموا الرجال في امور الشغل والحريم في هذي وفرح دي وهكذا
الجوهرة جمبها سلطانة
سلطانة في اذنها : الا فين ست الحسن والجمال المدلعة
الجوهرة ضحكت بصوت عالي من اسلوب سلطانة
ام ماجد : اووووه ست الجوهرة ضحكينا معاكي
الجوهر : تعرفي المثل الي يقول لا تتدخل فيما لا يعنيك
وقامت تتمشى على البحر
ام ماجد كل العيلة ما تحبها ولا تطيقها حتى زوجها مستحملها عشان العيال وبس وهو اساسا متزوجها عشانها يتيمة وفقيرة وفي النهاية اتكبرت على اصلها
خالد قاعد يلعب سوني مع فيصل وكل مرة يفوز خالد
فيصل : اف طفشت ترا ما صارت
خالد : ههههه ايش اسوي لك انت مبتدا
فيصل : خف علينا يا حريف
خالد بغرور : اكيد حريف
فيصل : سبحان الله نفس الصفات>>>> يطالع في سلطان و في خالد
سلطان مبحلق : ايش فينا حبيبي
فيصل بخوف مصطنع ضحك الكل: لا ابدا غزال غزال
الكل : هههههههههه
سلطانة : اقول بعد بعد خليني اتبارا مع خلود
فيصل : خذي اشوف بس خديلي حقي
سلطانة بعربجة : اووووه افا عليك ولا يهمك
ولعبوا وفازت سلطانة
فيصل : ايوا كدا ابو الشباب انا اقول ما ينفعلها الا رجالها سلطانة ليش ما صرتي ولد ؟؟؟
الكل: ههههههههههه
سلطانة اتضايقت وطلعت غرفتها
عند سلطانة زعلانة مقهورة هيا بنت بس انها تصرفاتها عربجية ايش اسوي طيب انا كدا ما احب الدلع والقرف حق البنات وقعدت تبكي
دق دق دق <<<<<<< الباب
عند احمد اول مرة نرووح له
احمد : خلاص انت ارحم نفسك من الهبال هذا اللي تسوي تضيع البنت وتضيع نفسسسسك معاها
: انا ابغا اضيعها اساسا مسوية نفسها واو وهيا ولا شي هههههههه
احمد : حرااااام الي تسويه لو مو انت صاحبي ترا ماكان قعدت معاك الله يعييين بنت الناس ويبعدها من شرك
: هههههه هيا مصدر الشر
انتهى البارت
-
رد: قصة حبك كسر كبريائي
ماني الوحيد إللي من الحب مجروح
كم واحد بهدنيا من الحب قد صاح
بعض الألم ياخذ أيام ويروح
وبعض الألم تمضي له شهور وسنين ماراح
إذا الهوي عندك سواليف وضحك ومزوح
أنا بقلبي آهات وحزن والآم وتناهيد وجراح
البارت السادس بين يدكم
عند سلطانة
دق دق <<<<< الباب
سلطانة وهيا تبكي وبصراخ : مين مين ما ابا احد
اتفتح الباب ودخل
سلطانة لفت عشان ماتبغى تبين بكاها : ايش تبغى انت الوحيد بذات اطلع
فيصل : سلطانة
سلطانة قاطعته : اطلع اطلع برة
انقهر لانه مهو عارف ليش زعلانة منه وطلع
صارت الساعة 1 الحريم والرجال ناموا بقي البنات والشباب
الجوهرة تتمشى علي البحر و سلطان في غرفته قاعد نروح لسلطانة
طلعت برا طفشت هيا مو من عوايدها تقعد في غرفتها هادية لازم تسوي رجة وتطفش اهل البيت
طلعت لقت في وجهها شوق و فيصل مشيت من جمبهم وطلعت فيصل طلع معاها برة
فيصل : سلطانة سلطانة
سلطانة : ها
فيصل ضربها على راسها : ايش ها دي قولي نعم
سلطانة ونفسها في خشمها : نعم
فيصل : كدا شاطرة و ايشبك
سلطانة : ولا شي بس كنت شوية مضايقه
فيصل : واللي مضايق يقول لاخوه بصراخ اطلع برا
سلطانة فهت : اخووه
فيصل : ايوة اخوه المفروض تقولي بهدوء ودحين قوليلي ايش اللي مضايقك
سلطانة : الحياه
فيصل : ياشيخة خلينا نفل ابوها دحين لا تناموا ها نبا نطلع ناخد لفة بالجت
سلطانة بحماس تحب هذي الاشياء تحب الفلة الهبقة وكدا : يلا ودخين نزهمهم يلعبوا معانا لعبة الاغاني
فيصل بضحكة عشان هبالتها يحسها صغيرة : اوك
سلطانة بتكشيرة : ليش تضحك
فيصل : بسرعة يلا نناديهم
وكل واحد راح ينادي الباقين
الجوهرة بتكلم صحبتها الا جاتها سلطانة مسرعة
سلطانة : جوجو جوجو
الجوهرة : هاااا انتي بس تحبي تفجعي الناس
سلطانة : ايوة ههههههههههههه اسمعي تعالي معايا وجرتها
عند سلطان
سلطان يقول في نفسه اف مدري ليش انا مني قادر اطلعها من مخي مدري ليش بس انا ماحبها انا احسها وحدة خاينة زيها زي البنات كلهم بس ابغا اكسر راسها شافية نفسها على ايش
دق دق دق <<<<<<< الباب
سلطان : ادخل
فيصل : امشي معايا
سلطان : يلا جاي بس البس واجي
في الصالة
سلطانة : شوووووق خاااااالد تالة يلا تعالووووو
وكلهم جو وقعدوا جات لميا
لميا بدلع : ايش قاعدين تسواااا
سلطانة بتقلد دلعها : وانتي شايفة ايش
لميا طنشتها وكلمت سلطان بدلع : اقول سلطاااااني ايش قاعدين تسواااا
هنا على طول نطقت الجوهرة بشوية عصبية : يعني انتي ايش شايفتنا نسوي نلعب تبي تلعب حياكي ما تبي تلعبي قومي الله رضا عليكي لا تاخرينا
لميا بدلع : اففففف ابغا العب
الجوهرة اتنرفزت وما ردت طنشتها
قعدوا يلعبوا اللعبة هيا عبارة عن اغاااااني كل واحد يغني اغنية وبعدين اللي بعدوا يغني اغنية تبدا باخر حرف من اغنية اللي قبلوا >>>> انشاء الله تكونوا فهمتوا
صار الصبح واليوم اللي حيرجعوا فيه البيت بس مو دحين الساعة 11.30ص
قبل ما يروحوا راحين يركبو جت سكي زي ما قال فيصل
وهما في البحر لازم اتنين ورا بعض ركب فيصل ووراه الجوهرة وركب سلطان ووراه سلطانة
لميا ما جات في الغرفة بعدين نشوف ايش تسوي وشوق لسا ما ركبوا
شوق : خلوووووووووووووود تركبني
خالد : اقول بعدين يخرب علينا في نص الطريق من تقلك
شوق بعربجية : اقوول سري انا ارووووح عند فيصل
فيـــــــــــــــــــــــصل
فيصل : ها تبغي تركبي مافي الجوهرة معايا
الجوهرة : فيصل وقف انا طفشت ترا
فيصل :اوك
شوق ركبت معااه وتالة ركبت مع سلطان وسلطانة وشوق راحوا يتمشوا
وبعدين راحوا يلبسوا عشان يبغوا يروحوا خلاص انبسطوا وكان احلى يوم من اول ما جوووه
رجعوا البيت واخدوها نومة الين الساعة 10 الليل من كتر التعب اللي تعبوووه
صحيت من النوم شافت الساعة 10 قامت مفجوعة راحت الحمام (اكرمكم الله ) واتوضت وصلت
لبست بلوزة حمرة مع بنطلوون جينز سكني و جزمة بيضة ونزلت
في الصالة
الجوهرة : السلام عليكم
ام فارس: ايش اللي صحاكي حبيبتي الساعة 10
الجوهرة بضحكة خفيفة : شبعت نوم
في بيت ابو سلطان
صحيت من النوم اتوضت وصلت ولبست ونزلت تحت
سلطانة بصوت عالي وهيا في الدرج : يا اهل البيت يا ام سلطان ابو سلطاااان
سلطان : اسسسس اسكتي اللهه يرحم امك صوتك يجبلي الصداع وبعدين امك وابوكي نايمييين
سلطانة : وانت بس اللي صااحي يعني حاقعد في وجهك المعفن
سلطان بعصبية : شايفتني اصغر عيالك انا
سلطانة بخوف لان سلطان لمن يعصب يعصب : اسفة اسفة
اقول خلود
خالد : هاااا
سلطانة : هااااات العب معاك
وراحت لعبت معاااااه
عند لميا
لميا : ايوة حبيبي
عمار:اايش بتسوي
لميا : ولا شي
عمار: ايش رايك تخرجي معايا
لميا : لا عمار انا ما اقدر هذا ما كان اتفاقنا
عمار : اوه نسيت الاتفاق خلاص عادي المهم اسمع صوتك حبيبتي
عند احمد
احمد بعصبية : خلاص انت قفل اللي في يدك
عمار : يلا حبيبتي باي
وبعد ما قفل : هههههههههههههه
احمد: برضك انت و قرفك هذا
عمار : ههههههه بس احسها هبلة جدا
احمد : الله يغفرلك
عمار : جميعاً
عند ابو فارس
الجوهرة : بابا جاتني بعثة في امريكا
ابوفارس : والله يابنتي انا مااقدر اوقف في طريقك اللي تشوفي كويس سويه
الجوهرة : بس بابا لا تقول لماما انا لسا ما فكرت
في بيت ابو ماجد
ام ماجد عندها ماجد وزوجته وقاعدين بس زوجة ماجد مهي قادرة تستحمل ام ماجد بغروورها
ام ماجد : الا يا رانيا <<<< زوجة ماجد
رانيا : هلا خالتي
ام ماجد : مافي شي من هنا ولا من هنا
رانيا فهمت قصدها: لا خالتي لسا
ماجد اتضايق من تصرف امه حس ان رانيا زعلت : لا ماما احنا متفقين ان رانيا ما تجيب عيال الا لمن تخلص دراستها وهيا ما بقيلها الا قليل
رانيا ارتاحت انو ماجد سلكلها ما تبغى ام ماجد تطفشها
ام ماجد : وليش انشاء الله ما تبغى ست الحسن والجمال تتعب
ماجد طفش من امه وجاء يخرج خلاص يروحوا الا جات تالة
تالة بطفولة : ماجد خلاص رايح
ماجد : ايووة يا روحي تبغي شي
تالة بزعل وبصوت واطي خايفة لا احد منهم يسمعها وتلف يمين وشمال تشوف الذا فيه امها : لا بس انا ماحب ماما ولا لميا واطفش لوحدي
ماجد : عيب تقولي كذا حبيبتي وانشاء الله نجيكم مرة تانية
وطلعوا
عند بيت ابو سلطان
في طاولة الاكل
سلطان : ابويا
ابو سلطان : ها يا ولدي
سلطان : انا قررت ارووح اكمل دكتوراه
سلطانة بصوت بشهقة : هئ حترووووح مرة تانية
ام ماجد بزعل : حتروح وتسيبنا تاني يا سلطان
سلطان : لا يالغالية كلها سنتين و راجع
ام سلطان : طيب ما تبغى نفرح بيك قبل ما ترووح
سلطان وها ما يفكر ابدا بس يبغا يسكت امه : لمن ارجع انشاء الله
ام سلطان انشاء الله
سلطان : ها يا ابويا ما تبغا تقول شي
ابو سلطان : انا ما ابغا اوقف في مستقبلك يا ولدي اللي فيه الخير سويه
انتهى البارت
-
رد: قصة حبك كسر كبريائي
البارت السابع
اليوم سبت وقت جامعات ومدارس واللي عنده شغل فاغليهم صاحيين نرووح لبيت ابوفارس
ابوفارس وام فارس والجوهرة وشوق قاعدين يفطروا الا على دخلت فيصل مسرع
فيصل : يلا جوجو بسرعة البسي عبايتك وانتي شوق السواق مستنيكي براااا
الجوهرة : اوك دحين
شوق وكانها اتذكرت سي : اهئ نسيت اليوم لازم اروح لسلطانة
ام فارس : ليش؟؟
شوق : احنا اتفقنا
ومشيت وما لقوا الا غبارها
ام فارس : الحمدلله والشكر بنتك انهبلت
ابو فارس : من زمان
نروح عند بيت ابوسلطان
سلطانة : اف انا اوريكي يا ست شوق
سلطان : وانتي ليش لغايت دحين ما رحتي
سلطانة وكانها تبغا تشفي غليلها من شوق : شوف بنت عمك القليلة الادب متاخرة عليا واحنا من امس متفقين في البيبي
سلطان : وانتي
الا قطع عليهم صوت الجرس يدق بازعاج خالد قام فتح الا لقا في وجهه شوق
شوق بصوت عالي : سلطانة سلطانة
خالد : ارخي صوتك يا عربجية الناس نايمين
شوق : انت ايش دخل امك اقول حبيبي نادي سلطانة
ودفته ودخلت راحت سلمت عليهم
سلطانة بعصبية : اه يا قليلة الادب هذا كله انا بستناكي مو انتي قلتيلي امس في البيبي انوا حتجيني بدري
شوق : ههههه نسيتك
سلطانة بعصبية اكبر : امشي يلا امشي
وخرجوا وسلطان يقول في نفسه الله يديم نعمة العقل
سلطان : يلا انا رابح العيادة مع السلامة
الكل : في امان الله
في المدرسة عند سلطانة وشوق كان في فسحة
كانوا ماشين سلطانة وشوق وحدة صحبتها اسمها الاء >>>> ليها دور في القصة ترا ^_*
الا مرت من جمبهم وحدة قاعدة تصحك عليهم عشان تنورة الاء مقلوبة وهما مو يتكسفوا وكدا لا مسكوها وهاتك فيها ياضرب وضربوها وحدة شد شعرها والتانية كفوف وهكذا الين ما صار وجه البنت عبة الوان وجات المديرة
المديرة : سلطانة وشوق ولاء تعالوا معايا حانادي اهلكم
سلطانة وشوق ولا هامهم الاء فيها شوية خوف من اهلها
المديرة : اعطوني ارقام اهلكم
شوق : خذي 0500000000000000
المديرة : وانتوا
سلطانة والاء : معاها احنا نقرب لبعض
المديرة : طيب
عند فيصل
دق جواله
فيصل : الو السلام عليكم
: معاك مديرة مدرسة اخواتك شوق وسلطانة والاء
فيصل استغرب مين الاء دي بس سلك : ايوا نعم
المديرة : بس حابة انك تاخدهم لانهم ضربوا بنت واحنا فصلناهم
فيصل مسك ضحكته عل هبال اخته بنت عمه وهوا متاكد انه هذي حركات سلطانة : طيب مسافة الطريق
المديرة : شكرا
عند الجوهرة طفش زي كل مرة محاضرات ورا محاضرات ودحين خلصت محاضراتها وبتتصل على فيصل يجي ياخدها
فيصل : الو جوجو
الجوهرة : فصول خلصت تعال خدني
فيصل : اسكتي انا سحبت على المحاضرة عشان اختك وبنت عمك
الجوهرة : ليش ؟؟؟
فيصل : سوا البلاوي اضاربوا مع وحدة بنت وخلوها زرقة ودحين مفصولين وانا رايح اخدهم
الجوهرة : هههههه مو صاحييين دول
فيصل : اوك يلا اقلبي وجهك وصلتلهم
الجوهرة بقهر : يعني محا تجيني
فيصل: خلي السواق
الجوهرة قفلت على وجهه : افففف
مهي عارفة ايش تسوي البنات كلهم راحوا بس في عمال يشتغلوا ولو قعدة اكثر من كدا ما تدري ايش حيسوا فيها فاتصلت على امها
الجوهرة : الو ماما
ام فارس هلا حبيبتي
الجوهرة : ماما انا خلصت
ام فارس : اوك خلي فيصل يجيكي
الجوهرة : لا فيصل ما يقدر
ام فارس : خلاص دحين ارسلك السواق
الجوهرة : بس السوااق ما يعرف الجامعة
ام فارس : طيب دحين اشوف مرت عمك ابو سلطان تشوف سواقها امكن يعرف جامعتك
عند فارس
فارس : حبيبتي يلا جهزي اغراضنا كم يوم وراجعين
لما : اوك يالله ما تدري قد ايش وحشوني كلهم و بالاخص جوجو و سلطانة وشوق المراجيج
فارس : يالله هانت خلاص خلصت الدتوراه وراجعين وحستني السعودية وناسها والله
لما : يالله خليني اروح اجهز الاشياء
فارس : اوك وانا خارج اوك
لما : فامان الله حبيبي
في المدرسة
المديرة : سلطانة و شوق والاء يلا لموا اغراضكم اخوكم جاء
راحوا لموا اغراضهم ونزلوا عند فيصل
فتحوا الباب وركبوا ورا
البنات : السلام عليكم
فيصل : وعليكم السلام
فيصل بعصبية : ايش اللي انتوا مهببينه هذا
سلطانة ببرأة : ما سوينا شي
فيصل : اول شي وحدة تنزل تقعد جمبي مني سواقكم
شوق : والله انا ابا ارتاح قدام ما يريح روحي سوسو انتي
سلطانة نزلت وراحت قدام
فيصل : دحين انتو ايش سويتوا هناك
سلطانة بحماس: والله يا ابو الشباب وحدة معفنة جات واتحرات انها تضحك على لولو وانا ما سبتها فرستها فرش
فيصل : وطبعا محد يخاف لو ست سلطانة معاه تاخذ حقها وزيادة
سلطانة بضحكة : عليك نور هههههه
فيصل استغرب ضحكتها غريبة كانت فيها شي حلو بس ما علق
الاء في قلبها الله يجنن سكله وكل حاجة فيه <<<<<< على فيصل
فيصل : دحين فين تروحوا
سلطانة : ودينا اي مكان حلو
الاء : لا ودوني انا اول االبيت
سلطانة : ليش
الاء : والله ما فيه ابا ارجع انام
سلطانة : براحتك فصول وديها بيتها في (.................)
وصلوا بيتها
فيصل : يلا وصلنا
الاء وهيا نازلة : باي بنات وشكرا فيصل
فيصل : العفو واجبن
الاء: ههههههههه
سلطانة مقهورة ما شاءالله جالسة ومتكية لا وتضحك كمان
سلطانة : مع السلامة الاء ونشوفك على خير
الاء : باي
وطلعت وقفلت الباب
سلطانة : اففففففف
فيصل بضحكة : ايش بك
سلطانة : ولا شي
في بيت ابوسلطان
دوبوا رجع سلطان البيت
شاف امه تكلم تلفون
ام سلطان : لا والله ما يعرفوا اوه دوبوا جا سلطان دحين اشوف اخلي يروح يلا مع السلامة
ام سلطان : سلطان ياولدي
سلطان : هلا امي
ام سلطان : طلبتك
سلطان : عطيتك يالغالية
ام سلطان : الله يسعدك روح جيب بنت عمك من الجامعة
سلطان باستغراب : ايت وحدة فيهم
ام سلطان : مين يعني الجوهرة
سلطان : طيب
عند الجوهرة خلاص مافي امل قاعدة بس في نفس الوقت خايفة احد ينتبه لها العمال
دق جوالها شافت سلطان استغربت ايش يبغا
ردت : الو السلام عليكم
سلطان : وعليكم السلام انا برا انتظرك
الجوهرة انبسطت انها خلاص حترجع البيت : اوك
وراحت تبغا تمشي الا كان يمشي واحد وراها وهيا تجري وتجري وفي عيونها الدمعة الين ما وصلت عند سيارة سلطان بسرعة فتحت الباب ودخلت وهيا تلهث
الجوهرة وهيا تبكي وبصوت عالي : هئ هئ امشي بسرعة
سلطان باستغراب : انتي ايشبك
الجوهرة بكلمات متقطعة : كان هئ هئ في واحد هئ هئ يمشي ورايا
سلطان بعصبية : ايشششش وانتي ليش قاعدة هنا اذا الجامعة قفلت وفيها عمال
الجوهرة وهيا تبكي وخايفة : والله والله انا كلمت فيصل بس هوا كان يجيبهم من المدرسة والسواق ما يعرف الجامعة
سلطان هدي : طيب مرة تانية لو مافي احد يجيبك اتصلي عليا
الجوهرة بسرعة : طيب طيب
سلطان ابتسم ابتسامة غريبة شكلها كان مرة يجنن وهيا تبكي
مر الاسبوع بسلام زي دايما اسبوع جامعات ومدارس وطفش
جاء يوم الربوع يوم الربوع لازم يتجمعوا مع بعض في بيت الجد
في بيت ابو فارس قاعدين في الصالة يشربوا شاي
تررررررن ترررررن>>> جرس باب البيت
قامت شوق تفتح الباب
: مفاااااااااجاة
شوق خافت بعدين استوعب : فروووووووووس
وقامت حضنته وحشتووووووووني
الجوهرة قامت جري عند لما وحضنتها وحشتها هذي صحبتها قبل ما تكون مرت اخوها
وسلموا على بعض وشوق مهي راضية تسيب حلا
صارت الساعة 7 ونص وكل العيلة مجتمعين في بيت الجد
سلطان: جدي انا الاسبوع الجاي مسافر
الجد : فين ياولدي
سلطان: رايح احضر دكتوراة في امريكا
الجد : الله يوفقك ويرجعك لنا سالم
الجوهرة اتفاجات بس في نفس الوقت اتجرات تتكلم وتقولهم الي قالته لابوها
الجوهرة: حتى انا جدي جاتني بعثة لامريكا وانا قلت لبابا بس حابة اخذ رايكم
ام فارس : ايشششش
الجوهرة طالعت في ابوها تبغا تستنجد فيه
ابو فارس : عادي يا ام فارس انتي بس ادعي لها بالتوفيق
ام فارس وهيا تبكي: الله يوفقك يا بنتي فين ما تكوني
الا بعد شوية جو فارس ولما طبعا راحوا سلموا على اهاليهم
وام سلطان تبكي ومبسوطة انوا بنتها رجعتلها يعد هذا الوقت الطويل و ما شفتوا شوق و سلطانة ما سابوا حلا وحلا مستغربة مهي متعودة عليهم
على طول جرية عند الجوهرة وقعدت في حضنها سلطانة وشوق انقهروا
سلطانة : ما شاء الله ست حلا احنا اللي نجري وراكي وانتي على طول عند الجوهرة
ام فارس : ايوة حبيبتي تروح عند عمتها
شوق : وانا كمان عمتها بس هذي ابغالها تاديب من جديد
سلطانة : وانا وشوق اللي حنادبها
الجوهرة بهدوء : لو قربتوا منها ياولكم
سلطانة : اقول سري
سلطان بهدوء قاعد الا جات عنده حلا
حلا : خالو خالو
سلطان بحنان : يا روح خالو انتي <<<<<<<<سلطان عنده حنان وطيبة بس ما يبينها لاي احد
دق الجرس
كلهم قاموا مفجوعين واللي تبكي والي مبسوطة
انتهى البارت
-
رد: قصة حبك كسر كبريائي
البارت السابع الجزء الاول
دق الجرس ودخل منها واحد طويل عريض ولابس اسود لا ويضحك كمان الكل قام مفجوع بعدين استوعبوا لمن الجوهرة جريت وحضنتوا وهيا تبكي
الجوهرة شعورها لا يوصف شعور فرح مع شعور انبساط وحشها صار له 3 سنين ما شفته ايش حتسوي غير انها تبكي والكل مو مستغرب من تعلقها فيه ماعدا سلطان مقهور منها
الجوهرة و في عيونها البكا وهيا تحضنوا : وحشتني وحشتني
عمر وهوا يضحك : وانتي كمان حبيبتي بس خنقتيني ههههه خليني اسلم على البقية
الجوهرة ضربته في صدره : هذا جزاتي وحشتني
وبعدين سلموا عليه والجوهرة مهي سايبته قاعدة معاه والحكاوي وكدا
وام عبدالله مبسوطة برجعت ولدها اتلم شمل العيلة من جديد مافي احد مسافر
صار الليل والكل رجع بيته عشان يكمل السهرة بكرا
الصباح نروح عند الجوهرة صحيت قامت تتوضا عشان تصلي ولبست قميص مخطط ابيض و فوشي وسكيني ونزلت عند اهلها لازم تقعد معاهم بقي لها شهر وتسافر
نزلت راحت الصالة لقت امها وايوها
الجوهرة : ياهلا بالغالين
ام فارس: صحيتي بدري يابنتي
الجوهرة : ما فيا نوم الا ماجا عمر
ابو فارس : دوبوا اتصل عليا قال جاي في الطريق مدري فينه
انفتح الباب ودخل منه عمر
عمر : انا جيت تستنوني
ابوفارس : فينك يا عمر يلا الفطور جاهز
عمر : يلا
صحيت شوق على صوتهم ونزلت بكشتها وبجامتها شمت ريحت الاكل ما تقدر تستنى
شوق : الله في اكل
عمر ضربها على راسها : وانتي لسا ماهمك الا بطنك
شوق رفعت اكمام البجامة : افا عليك اكيد
عمر : لا لا قلنا طافوح وسكتنا لكن عربجية ما اقدر
فيصل وهوا داخل :هههههه اتعلمت من الاخت سلطانة
عمر : وانت بس نوم ماتشبع
قامت شوق فطست ضحك على شكل فيصل اللي تفشل
فيصل : اقول عمور لا اطلع فضايحك كلها
هنا الجوهرة ما قدرت تمسك ضحكتها والكل ضحكوا على اشكالهم التحفة
نروح عند سلطانة لابسة بلوزة لاكوست مع شورت ونازلة
سلطانة راحت عند خالد اللي يلعب سوني
سلطانة : خلود ابغا العب
خالد : يلا
ولعبوا وفازت سلطانة وهكذا يلعبوا وتفوز وهوا يعصب
مر على ابطالنا شهرزي باقي الشهور خروج وكذا واليوم سفر الجوهرة وسلطان كلهم كانوا عند الجد عشان هذا اخر يوم ليهم
وطول الجلسة وسلطانة تدمع يعني حتودع اخوها وصحبتها كمان
طبعا اللي صار انوا الجد قالهم يروحوا مع بعض وكل واحد منهم رافض الفكرة بس ايش يسو
صار وقت التوديع
ام فارس وهيا تبكي : سلطان بنتي امانة حافظ عليها زي اختك لا اوصيك
ام سلطان بس تبكي وتقول الله يحفظكم
طبعا سلطانة و شوق لا تعليق بس بكا بكا بكا والجوهرة ماتبغى تضعف وتبكي معاهم شعور موحلو لمن تبعد عن اقرب الناس ليك اللي بعد يعرف هذا الشعور شعور خوف شعور حيرة شعور الم شعور لا ينوصف
الجوهرة الدمعة مهي راضية تنزلت تسلم عليهم كلهم وتبغا تطلع وبس
سلطان سلم عيهم كلهم وقال : يلا الجوهرة وقت الطيارة
الجوهرة كانت تستناها من الله على طول طلعت وهيا تبكي
وقفت سلطان لميا وهيا تسوي دلع وتبكي اليعني
لميا : سلطاااان
سلطان قاعد يتعوذ من الشيطان : اعوذ بالله نعم
لميا بقهر : ليش شفت جني ولا ايش
سلطان بابتسامة على جمب : لا سلامتك
لميا على طول اتحول قهرها الى فرح ودلع : تروح وتوصل بالسلامة ولا تنسى انو وراك زواج يعني لا تلف يمين ولا شمال خليك على الخط المستفيم <<<<<يعني لاتشوف وحد من هنا ولا من هنا وكدا
سلطان ماعلقك بس انفجر ضحك
لميا طنشته ومشيت
سلطان وصل السيارة ولسا بيضحك
الجوهرة متفاجأة ايشبوا هذا المفروض زعلان انوا حيسيب اهله وهذا يضحك
سلطان : بنت عمك الخبلة ههههههه
الجوهرة : ايشششش
سلطان : بنت عمك ههههههه لميا هههههه مصدقة نفسها اني حتزوجها هههه
الجوهرة بضحكة استهزاء : اكيد حتتزوجها مو تحبها
سلطان متفاجئ : لا ومين قال
الجوهرة باسلوب مستفز : لا محد قال مين قال
سلطان : الجوهرة اسكتي الله يرضا عليكي وجعتي راسي
الجوهرة سكتت مو عشان عيونه بس هيا مافيها تتكلم زعلانة على فراق اهلها
انتهى الجزء الاول من البارت
-
رد: قصة حبك كسر كبريائي
البارت الثامن الجزء الثاني لعيون متابعين الموجودين واللي خلف الكواليس
وصلوا المطار وكان هدوء × هدوء
نزلوا ودخلوا الطيارة بعد شوية اعلن الطيار صعود الطيارة والجوهرة على قد ماهيا ماتخاف من شي بس تخاف من الطيارات لمن تصعد وتهبط
قاعدة وماسكة يداتها في بعض ومغمضة عيونها وساكتة وشكلها يفطس ضحك
سلطان ( بصراحة انا ماقدرت احرم نفسي من الضحك وضحكت وهيا صارت تطالع فيا بعصبية وتدفني من رجولي )
الجوهرة : اسكت اسكت الله يفضحك فضحتنا
سلطان : هههههه بس خلاص هدي استقرت الطيارة
الجوهرة فتحت نص عين كدا وقالت : منجد
سلطان : هههه منجد
الجوهرة فتحت عينها واعطت له دي النظرة
سلطان ما قدر انه ما يطلق ضحكة من ضحكه الي تجذب الواحد والجوهرة تنحت بعدين استوعبت ومشت الموضوع
عند الكل
سلطانة مهي قادرة تسكت من البكا وشوق من بعد البكا دخلت في نوم وفيصل قاعد يهدي سلطانة
فيصل : سوسو بسك بكا
سلطانة وهيا تبكي صار شكلها كيوت : وحشوني كلهم هئ هئ هئ
فيصل بضحكة : ترى دوبهم راحوا
سلطانة تطالع فيه واعطته نظرة فيصل فطس ضحك عليها
الجد : فيصل ايشبك اتجننت
فيصل ولسا بيضحك : لا والله اسال ولد ولدك ههههههه
تاني مرة جرحها فيصل من غير قصد قامت من عندهم وراحت جري برة وصلت البوابة وطلعت منها جري جري الا كان في وجهها سيارة
عند الجوهرة
طفشت سللطان نايم وهيا قاعدة الا جات وحدة ليها وتكلمها
.........: هاي
الجوهرة : وعليكم السلام مين معايا
.......: اوه ماعرفتيني
الجوهرة : لا والله
.......: انا رهف صحبتك ايام اولى ثانوي
الجوهرة متفاجا : رهف رهف
رهف : يب يب
الجوهرة و رهف قاموا وحضنوا بعض
عند الكل
فيصل جري وراها يبغا يعرف ايش سبب الجري اللي جريته
طلع وراح الا شاف الباب حق البوابة مفتوح اتفاجاة الا سمع صوت فرامل خاف على فكرة انو سلطانة انصدمت جري الا لقا السيارة شوية وحتصدم فيها جري ودفها على الرصيف وصدمته هوا السيارة وسلطانة راحت له جري وهيا تبكي تدفدفة وتقول فيصل فصيل اصحى
سلطانة بصرخة عالية : ساعدوووووووووووووووووووني
طلعوا الكل بعد ما سمعوا صوت الحادث
وشافوا فيصل وكله دم كان شكله لا ينوصف وطبعا لما ما تقدر لهذي الاشياء ف على طول استفرغت ( اكرمكم الله )
وكانت سلطانة ماسكته وتققول له قوم قوم فيصل قوم واتصلوا على الاسعاف وجوا اخذوه ولما بس تهدي في سلطانة وشوق وسلطانة تقول انا السبب انا السبب
وهما مو فاهمين ليش كدا تقول وطبعا لميا و ام ماجد مبسوطين ولا هاممهم وطلعوا راحوا البيت
في المستشفى
قاعدين يدخلوا دكتور ورا دكتور وهما مو عارفين ايشبوا فيصل وخايفين عليه طبعا بس الرجال راحوا الحريم بيهدوا ام فارس و البنات سلطانة وشوق
خالد راح عند فارس
خالد : فارس
فارس : هلا حبيبي
خالد : مو كانهم اتاخروا روح شوفهم
فارس : دحين يطلعوا
الا على طلعة الدكتور وطلهم جريوا عليه ايشبوا فيصل يا دكتور
الدكتور ووجهه ما يطمن ك ادعوا له بالرحمة
نروح عند الجوهرة و رهف
قاعدين ويتكلموا ومبسوطين الا صحي سلطان وراح الحمام ورجع
ف الجوهرة عرفتهم على بعض وكدا وكل شوية رهف تقول للجوهرة ولد عمك يجنن وكدا والجوهرة تضحك
لان رهف مرة تضحك والقعدة معاها ما تنمل
عند سلطانة
قاعدة وسرحانة ولسا تقول انا السبب وشوف بس تبكي وطبعا ام فارس حالتها لا تعليق بس تقول ولدي ولدي ولدي ضاع مني وهكذا
صارت الساعة 4 وهما ما اعطوهم خبر عن فيصل
انتهى البارت
-
رد: قصة حبك كسر كبريائي
البارت التاسع
في المستشفى
الدكتور : ادعوا له بالرحمة هوا محتاج دعائكم دحين نقلنا في العناية المركزة دخل في غيبوبة وفي كسر في رجلوا
الكل مفجوع مهم عارفين كيف حيقولوا للي في البيت خصوصا ام فارس
قام فارس رايح البيت عشان يقول لامه عن حالة اخوه وهوا بنفسوا مو مصدق
في بيت الجد
ام فارس تبكي ومهي راضية تسكت قلبها على ولدها ايش حيصير فيه دوبوا كان معاهم وبيضحك ولما قاعدة جمب ام فارس تهديها
لما : خلاص عمتي انشاءالله مافيه الا الخير
ام فارس: انشاءالله انشاءالله
بعيد في اخر الصالة قاعدة مصدومة وبس تبكي كل الي يشوفها يحزن عليها وعلى شكلها بس محد عارف اللي فيها الكل يحسب انو انصدم قدام عينها عشان كدا مصدومة لكن هيا صدمتها اكبر اكبر بكتير اول شي انو هيا لاسبب وتاني شي انو قدامها وتالت شي حبيبها الي انصدم ايوة حبيبها في هذي اللحظة اعترفت ولو انها ما كانت تبغا تعترف بعدها كانوا احد صحاها من سرحانها على صوت شوق
شوق وفي عيونها الدموع وهيا دفها : سوسو سوسو
سلطانة : ها ها
شوق : خلاص لا ........
الا قطعها صوت فارس اللي داخل
كلهم اتلموا عليه واللي يقول يلا خبرنا واللي يقول ريحنا وهوا ساطت مو عارف من فين يبدا
سلطانة بصراخ : انطـــــــــــق
فارس لسانوا عاجز عن انو يتكلم بس نطق من بعد صرخة سلطانة وهوا مغمض عينو: دخل في غيبوبة
ام فارس منهاره والكل يهديها وسلطانة اغمى عليها من بعد ما سمعت اللي قالوا
شوق وهيا تبكي : تعالووووووووووو الحقوني سلطانة اغمى عليها
طبعا مافي غير فارس شالها وحطها على الكنبة وراح يشوف اخوه
صارت الساعة 6 الصباح فالكل بات في بيت الجد والشباب رجعوا البيت بس بقي معاه فارس
اليوم التاني الساعة 3 بتوقيت السعودية
صلوا نيويورك
كانوا تعبانين فحجزوا في فندق غرفتين وبس وككل واحد مهم دخل في نومة عميقة وهما لسا ماعرفوا انو فيصل دخل في غيبوبة
حال فيصل ماتغير نفس ماكان لافي تحسن ولا سوء
ورجع فارس في البيت كدا بعدين يرجعلوا
في بييت الجد
سوا غدا انو ياكلوا ولا احد حط في فموا لقمة وسلطانة في غرفتها ماطلعت بس تبكي تبكي تبكي
وام فارس قاعدة وسرحانة وبس
والكل على حطة ايدك ( على نفس حاله )
مر شهر على نفس الاحداث وفيصل لسا في غيبوبة
وام فارس صار عندها حالة تبلد وخلاص معتقدة انو ولدها راح منها يعني مات وسلطانة طول الوقت في غرفتها وما تطلع منها وكل مايدخلوا عليها يلاقوها ماسكة السجادة وتصلي وتدعي لفيصل حتى الاكل يحطولها هوا في غرفتها
عند الجوهرة و سلطان
نقلوا لشقة وخف العناد بينهم شوية
الجوهرة و سوت االاكل طبعا الاكل كدا اشياء خفيفة ما تعرف للاشياء التقيلة
الجوهرة : سلطاان سلطان يلا الاكل
سلطان جا وجلس وقعدوا ياكلوا
سلطان ترا بكرة حتبدا الجامعات
الجوهرة بهدوء : طيب
وهكذا هدوء بينهم وشوية عناد
في بيت ام فارس عندها فارس ولما مع بنتهم حلا جوه وسلموا عليها وعلى راسها
ام فارس بهدوء : فارس يا ولدي
فارس : ها ياامي
ام فارس بنفس الهدوء وحالة التبلد : ها غسلة اخوك
فارس مستغرب : مين ياامي
ام فارس بنفس الحالة : اخوك فيصل
فارس اتغير من كان هادي الا واحد معصب : ومين قالك انو مات ها مين
ام فارس بصراخ : خلاص انتو اصحوا هوا مات اساسا
قارس قام من عندهم وهوا معصب وقال : فيصل عايش وهذا وجهي
وطلع معصب وراح المستشفى
ام فارس من بعد ما طلع وهيا منهارة وتقول انتوا مو مصدقينني مات ولدي ماااات ولما تهدييها وشوق قاعدة تبكي على حال امها و فيصل
عند الجوهرة وسلطان اتصلوا على فارس بس فارس كان متردد يرد او لا في النهاية رد عليهم
فارس بتوتر: يا هلا بالمسافرين
سلطان : ههه ياهلا فيك
الجوهرة : فروووس كيفك حبيبي وكيف ماما وبابا وفيصل وشوق
فارس بتوتر اكبر : كلهم كويسين كويسين
الجوهرة استغربت من توتره وسكت
الجوهرة : فارس ماما ولا بابا فيهم شي
فارس : لا لا
الجوهرة : طيب فيصل ولا شوق
فارس اتوتر : لا لا يابنت الحلال محد كلهم كويسين
الجوهرة بشك : فارس اعطيني فيصل
فارس : ها انا برة دحين محد معايا
يلا باي اكلمكم بعدين وصلت الشركة
الجوهرة وسلطان : يلا مع السلامة
في المستشفى
فارس قاعد عند فيصل ويتكلم معاه لكن بدون جدوى
فارس وهوا مرا حزين على حال اخوه واللي فيه
فارس: فيصل قوووم يلا شووف امي تتحسبك خلاص مت يلا قوم ووريها انك عايش لا تخذلني
لكن مافي رد
فارس : شوف فصول انا عارف انك عايشلا تستهبل على راسي
الا شاف يد فيصل تتحرك قام جري وراح للدكتوور
فارس بصراخ : دكتوووووور دكتووووووووووور
فيصل قااااااااااااااااااام
ودخلوا الدكاترة كلهم عند فيصل وفارس قاعد متوتر برا
بعد ربع ساعة تقريباً طلع الدكتور وفي وجهه ابتسامة
الدكتور : اطمن فيصل صحي بالسلامة بس بقي له انو نجبس له رجله
فارس شكر الدكتور وعلى طول سجد سجوووود الشكر
انتهى البارت
-
رد: قصة حبك كسر كبريائي
البارت التاسع الجزء الثاني
المملكة العربية السعودية , جدة 5 العصر
قاعدة وسرحانة ولا فبالها غير ولدها اللي مات قصدي الي محسبته مات ولابسة اسود على انو مات رجعت للواقع
وقالت لبنتها
ام فارس : فين الناس وليش ما جوه يعزونا
شوق قامت بعصبية : ماما فيصل ما مات ها ما مات
الا على دخلت فارس وعلى وجه ابتسامة مشرقة تدل على الفرح طبعا كلهم استغربوا طلع معصب وراجع ابتسامة وكدا جري وراح عند امه
فارس بفرح : امي امي
ام فارس يحالة تبلد : ها غسلتوه
فارس طنش سوالها : فيصل صحي فيصل عايش عايشششش
ام فارس : اقول لاتقعد تكذب عليا
فارس : والله والله لو مو مصدقتني تعالي اوديكي عنده
ام فارس بهدوء : يلا بس البس عبايتي
شوق : فارس
فارس : ها
شوق : منجد فيصل صحي
فارس بابتسامة انو ما صدقوه : ايوة والله
شوق نطت من مكانها واتعلقت فيه >>>>يعني حضنته
امريكا , نيويورك 10 صباح
قاعدة خلصت محاضرتها وقاعدة تستنى سلطان راحت الكفتريا تشرب قهوة تروقها وقاعدة وسرحانة في اهلها ما عجبها صوت فارس وهوا يكلمها
شاكة انو في شي بس ايش مهي عارفة قطع سرحانها صوت رهف
رهف : هاااي
الجوهرة : اهلين كيفك
رهف : الحمدلله تمام ها ايش مسوية مع المحاضرات
الجوهرة : والله الحمدلله
رهف : انتي في اي قسم
الجوهرة : جراحة
رهف طريقة خلت الجوهرة تضحك : وعععع الله يقرفك
الجوهرة : ههههههههههههه
رهف : جوجو جوجو شوفي ولد عمك المز جاه
الجوهرة فطست ضحك خلت كل اللي في الكفنيريا يطالعوا فيها : ههههههااي
جاهم سلطان مع طلال صاحبه
طلال وسلطان : السلام عليكم
الجوهرة و رهف : وعليكم السلام
سلطان : خلصتوا محاضرة
الجوهرة : انا ايوا
رهف : حتى انا
سلطان : طيب تعالو نروح نفطر في مكان
الكل : اوك
المملكة العربية السعودية , جدة 6 المغرب
دخلوا عندوا وهيا قاعدة ومهي مصدقتهم خلاص في احد يعيش بعد ما مات
دخلوا وعلى طول شووق نطت عندوا : فصول يادب وحشتني
وهيا قاعدة بعيـــــد مهي مصدقة ولدها لسا عايش ما مات ربي اعطاله عمر جديد شي يستحق البكا دمعت عينها دموع فرح راحت عنده تتلمس وجهوا وتقول
ام فارس : ف في فيصل انت عا ييش
فيصل : ايوة يالغالية عايش عايش
هيا ماقدرت تسوي غير انها بكيت وانفرطت بكا وقاعدة تحضنوا صح فيصل اتعور شويا بس ما بين عشان امه
في مكان ثاني قاعدة وتتكلم ونست انو في ربها يحسب كل شي تسويه هيا نست انو في شرف ممكن في يوم وليلة يرووح قاعدة وصوووت الضحكة وصلت للجيران لا وبدلع كمان ونسيت انو ولد عمها في المستشفى هوا عايش ولا ميت
لميا بدات تميل لعمار وهذا هدفوا يكسر راسها وهيا (هبلة) زي بعض بنات المجتمع
لميا : حبيبي متى حتتقدملي
عمار : قريب قريب حبيبتي
استحمت ولبست وقاعدة تمشط شعرها قدام المرايا اتغيرت بكثير عن اول المرحة العربجية صارت هادية مرا وعيونها حمرا وتحتها سواد وحهها ما صار صافي زي اول من قلة الاكل وشعرها قل الحيوية فيه اتغيرت مرااااا
الا على دخلت خااالد
خالد : سوسو سوسو
وهيا سرحانة في شكلها والمصيبة اللي فيها <<<<<اللي هيا فيصل
خالد بصوت اعلى : سلطاااانة
هيا وكانها رجعت للواقع : ها ها
خالد بحماس : فيصل صحي صحي
سلطانة قامت من مكانها مفجوعة : ها ها صحي قول والله
خالد :والله والله
قامت مبسوطة وحضنته
وعلى طول اتصلت على شوق
امريكا , نيويورك 11 صباح
قاعدين وياكلوا بهدوء الا من رجة طلال و رهف بس ناقر ونقير
رهف : اممممم الاكل مرا لذيذ
طلال : افففف كفاية اكل بعدين تصيري تخينة
رهف تمد لسانها : وانت ايش حارق رزك ياخي ابغى اصير تخينة اوف انا احب الاكل
الجوهرة فطست ضحك : ههههههههههه
زي شوق وفيصل والله تذطروووني فيهم
سلطان : ايوا والله صادقة هههه
الجوهرة : ها خلصتوا اكل يلا نطلع
الكل : يلا
المملكة العربية السعودية , جدة 7 المغرب
قاعدين وهيا مهي مصدقة ولدها صحي بس تمسكه كانه ما تبغاه يرووح من بين يدها وشوق بس كلام كلام لدرجة احس فيصل طفش منها
الا على دقة الباب
ابو سلطان : السلام عليكم
الكل : وعليكم السلام
ابو سلطان : حمدلله على السلامة يا ولدي
فيصل الله يسلمك ياعمي
وكلهم اتحمدوا له بالسلامة وبقي سلطانة بس تبكي وطبعا يعتقدوا انها تبكي عشان قدامها انصدم
فيصل : سوسو
سلطانة بصوت هادي وهيا تبكي : هلا
فيصل : ما اتحمدتي لي بالسلامة ولا كنتي مبسوطة اني مافي
سلطانة على طول نطقت : لا لا لا حمدلله على السلامة فصوول
فيصل : طيب ليش البكي
سلطانة بكيت بزيادة :فيصل سامحني انا السبب
الكل اتفاجا ايش انتي السبب واللي يقول ايش سويتي ولا ليش انتي السبب وهيا مو معاهم بس معاه
فيصل : وه سوسو اجل انتي تروحي من يدنا وانا قاعد لا طبعا وشوفي ما فيا الا العافية
وسلطانة لسا دموعها ما وقفت
وحست احساس كدا غريب احساس انو في احد يخاف عليها بس على طول طردت الفكرة من بالها وقالت في قلبها اساسا احنا اخوان فقط وهوا قريب ليا وبفهمني اكثر حتى من اخواني بس زي اخويا
امريكا , نيويورك 12 الصباح
رجعوا البيت بعد ما اتمشوا وفطروا وكدا
طبعا هما زي ماقلتلكم في شقة وحدة حتى طلال و رهف معاهم شقة فيها 4 غرف
قاعدين سولهم كوفي وطلال ورهف مساكين رايحين يذاكروا بكرا وراهم اختبار هما 3 جامعة تخصص ادارة اعمال
رهف راحت عند الدافور طلال
رهف : طلول طلول يا زفت
طلال فتح الباب : خييير
رهف تتمسكن حتى تتمكن : طلول امانة امانة امانة
طلال ياطلع فيها بنص عين : نعم
رهف : مافهمت شي
طلال صربها على راسها : وفين حضرتك تكوني وقت المحاضرات
رهف حكت راسها : اممممممم مع جوجو
طلال عصب : ليش هيا جوجو معاكي في القسم تعالي ادخلي خليني افهمك معنك حمارة محا تفهمي
برا في الصاله
قاعدة الجوهرة تبغا تذاكر في شي ما فهمتوا
هيا ماشاءالله دافورة بس يعني شي ما فهمته
طفشت وقالت بعفوية وشكلها كان كيوووت : افففففففففف
سلطان طالع فيها بابتسانة : ايشبك
الجوهرة صالعت فيه بنظرة طفولة بريئة: في شي مني فاهمتوا
سلطان ضحك ضحكة بسيطة على شكلها الطفولي : تعالي اشوف
الجوهرة : شوووف
سلطان شافوا وحك راسوا : والله مافهمت شي
الجوهرة : هااات وانت مسوي نفسك فيلسوف خليني افتح السيد جوجل هوا اللي حيفهمني
سلطان : هههه صح يلا روحي لا اعطلك انا شكلي حاخرج اتمشى
الجوهرة : اوووووك
اليوم الثاني , يوم الاحد
المملكة العربيىة السعودية , جدة 3 العصر
قاعدة مع اهلها وتاكل وتضحك ومبسوطة رجعت حيويتها وهبالتها وعربجتها ابو سلطان و ام سلطان مبسوطين من دا الشي
سلطانة : ماما متى رايحين عند فيصل
ام سلطان : الساعة 4 حبيبتي
سلطانة : اوه حاروح البس بعد ساعة
وراحت غرفتها اتصلت على الاء
سلطانة : الو لولو
الاء : ها حبيبتي كيفك
سلطانة : انا تمام انتي اخبارك
الاء : تمام التمام
ها ايش صار على ولد عمك
سلطانة : صحي صحي يا لولو
الاء : وانا اقول ليش رجعتي سوسو القديمة هههههه
سلطانة : طيب ايش اسوي انا السبب
طبعا سلطانة طردت فكرة انها تحب فيصل وصارت تقول كنت ابكي عشان انا السبب
الاء : امممم اسمعي سوسو ينفع ..........................
امريكا , نيويورك 8 الصباح
اليوم احد يعني بالنسبة لامريكا اجازة وهما قرروا يقضوا اجازتهم في الجبل رايحين رحلة مع بنات وشباب الجامعة
طبعا دحين الجوهرة ورهف وسلطان وطلال بيجهزوا اغراضهم طالعين مع باص الجامعة
سلطان : ها خلاص جهزتوا كل شي احط الشنط في السيارة
رهف : لالالا استنا بقي ليا شنطة
طلال وهوا معصب منها : وانتي كم شنطة عندك اقول سري حطيها جمبك
ااحنا محنا فاضين نحط ونشيل شنط الست هانم رهم
الجوهرة : ههه طلال ايشبك عصبت هدي هدي
طلال ولسا معصب : اسال صحبتك الهبلة دي
الجوهرة بمزح : والله لو انا منك ما اسكتلوا
رهف بشكل مضحك : والله تقولي كدا
طلال طالع فيهم بنظرات نارية
الجوهرة : انا بس بهدب النفوس ترا
الكل : ههههههههههههههههه
انهى البارت
-
رد: قصة حبك كسر كبريائي
البارت العاشر
×××××××
نيويورك , امريكا 10 الصباح
حركوا الباصات من نيويورك لرحلتهم حتكون فوق الجبل طبعا كلهم متحمسين للرحلة تعتبر رحلة جريئة ومغامرة انهم يطلعو فوق االجبال <<<الله يعينهم
طبعا اتفرقوا في باصين في كل باص 15 شخص يعني في الرحلة 30 شخص وفي قائد لكل باص طبعا اجنبي
في الباص الاول
فيه الجوهرة ورهف اتفرقوا عن سلطان وطلال لانوا هي المقاعد بالتذكرة فجاه حظهم كدا
قاعدين الجوهرة ورهف طفشانين بقي على وصولهم نص ساعة
الا لقوا وراهم بنات مرجوجات وفي من ضمنهم وحدة محجبة فعرفوا انهم عربين
رهف : جوجو شوفي هذولا البنات احسهم زي مرجوجات وكدا هههههه
الجوهرة القت نظرة عليهم وفطست ضحك : ههههه تصدقي ايوة زي هبالتك
رهف طالعت فيها بنص عين : اقووووول سري
ورجعت تطالع فيهم ومتحمسة معاهم
الا وحدة من البنات بتقول
البنت الاولى : بنااااات ؟؟؟؟
البنات طفشانين منها بس اساله اساله : هااااااااااا
البنت الاولى : اخر سؤال اخر سؤال
البنت الثانية : اطربينا
البنت الاولى بخوف : هوا المكان مرا مرتفع عن الارض
البنت الثالثة تغمز للبنات وتقولها بطريقة تخوفها : يعني طقريبا 70 ,80 , 90 متر عن الارض
البنت الثالثة بخوف اكبر وتدعي : لا لا لاتقولوا يارب ساعدني لاتموتني هنا ما ابغا اموت الا قدام الكعبة يارب ساعدني ساعدني
البنات كاتمين ضحكتهم وقالوا : وتخيلي في الليل ايش فيه
قامت رهف من كتر الحماس اللي فيها ومركزة مع البنات بزيادة قالت بصوت عاااالي : ذئــــــــاب
البنات استغربوا ايش دخلها بس سلكولها
قامت البنت الثانية قالت بصوت يخوف : وحشرااات
البنت الثالثة بنفس الصوت : وعقاااارب
قامت البنت الاولى تبكي : لا لا يارب ساعدني
الجوهرة حزنت عليها وراحتلها وقعدت جمبها
الجوهرة كاتمة ضحكتها : لا حبيبتي ترى يكذبوا عليكي مافي شي يخوف
البنت الاولى طالعت فيها بنظرة طفولية : منجد؟؟؟
الجوهرة ضحكت : هههه منجد
البنت الاولى : والله انتي بنت كدة >>>>> اشرتلها ابهامها تصلحي تكوني معاية مو زي هدولا الوحووووش
البنات : يعني دحييييين صرنا وحوش ست ليان
البنت الثانية : اوه صح ماعرفنااااكم انا شهد
البنت الثالثة : وانا ود عاشقة الكورة
البنت الاولى : وانا ليان
××××××××××
وقفة
اعرفكم على الشخصيات الجدد
ليان :تعتبر اكبرهم لانها عقلها كبير عمرها 22 تدرس ادارة اعمال اخر سنة ليهاا بنت حكيمة وشديدة وتخاف ربها تخاااف على صحباتها مرة وهيا العاقلة بينهم لو صار شي غلط هيا اللي توقف معاهم بس مرة خوافة
شهد : عمرها 22 برضو تدرس ادارة اعمال فيها من الهبالة كثير الطيبة اكثر تحب الكلام ثرثارة لدرجة البناتت يطفشوا منها ويسيبوها
ود : عمرها 22 تدرس ادراة اعمال كمان عشقها الجنوني الكورة ثم الكورة ثم الكورة لدرجة في جوالها وايبادها اخبار الكورة البنات يطفشوا منها وعربجية وعصبية لدرجة ما تتخيلوها حتعرفوها في الاحداث >>>>>>> هادي نفس مواصفات اختي ولكن اختي مهي عربجية
××××××××××
الممملكة العربية السعودية , جدة 4 ونص العصر
عند سلطانة
الاء : ماينفع تجيني بعد ماتروحي عند ولد عمك
سلطانة لا والله حتكون 8 وماما حتقول متاخر وكدا
الاء بقهر انو خطتها فشلت : اوك طيب
قفلت ونزلت عند اهلها بطفش وقالت بعربجة
سلطانة : السلام يااهل البيت
الا لقت في وجهها ابوها فسكتت لانوا ابوها ما يحب العربجة حقتها ويقولها لازم تصيري بنت وكداا
تخاف منه
ابو سلطان: فين راح لسانك
سلطانة : والله يابو الشباب حطيته في فمي عشان لا اكل تهزيئة
ابو سلطان : ايش ايش
سلطانة طالعت بخوف : ايش ؟
ابو سلطان بعصبية : ابو ايش ما سمعت
سلطانة بخوف وهيا تضحك : ابويا ابوسلطان حبيبي
ابوسلطان كاتم ضحكته : ايوة كدا
سلطانة : وانا اقدر اقول غير كدا
وطالعت في خالد اللي يلعب سوني >>>> هدا الولد زي اولاد السعودية طول اليوم في هدا السوني عساه الخراب خرب عيالنا والله هههههه
سلطانة : اقول خالد مين فاز انت ولا عمر >>>> عمر خويه
خالد بفخر وغرور زي غرور اخوه : طبعا انا
×××××××××××××
امريكا , نيويورك 12 الظهر
وصلوا للمكان المطلوب طبعا كان النزول بترتيب بما انو فيه قائدين
ورتبوا كل واحد في خمته بقي ود بتكلم القائد
طبعا الكلام بالنجليزي
ود : انت
القائد : نعم انسة
ود : اين خيمتي (ولا انا محا انام ) قالتها بالعربي
القائد استغرب منها ومن عربجيتها
القائد : حسنا انستي سوف اقوم بتفرغة هذه الخيمة لكي ولكن لا تغضبي
ود بعصبية اكبر : ولمذا اغضب هل تراني فاقدة لعقلي
في مكان اخر
قاعد صدع من الرحلة المتعبة وغمض عينه يفتكر حنان وحشتوا ايامها بنت هادية وجميلة وحنونة وعمرها ما زعلتوا بس .......
الا رجع للواقع بصوت صرااااااخ برا طلع يشوف ايش اللي يصير وشاف بنت تضارب مع قائد الرحلة فشده الموضوع يبغا يعرف ايشبها
طلع واقترب من هذا الصوت الا ان وصل عندا وقال
عبدالله : ماذا بكم
القائد : هذه الفتاة غاضبة اعتقد انها مختلة عقليا
ود اتكلمت بالعربي وبعصبية كبيرة : ايش اللي مختلة عقليا
االقائد طالع فيها باستغراب وسال عبدالله ايش بتقول
قام عبدالله فطس ضحك وقال
عبدالله : انها تقول لا باس ولكن استعجل
القائد ما صدق بس مشاها وراح
ود قالت بعصبية للقائد : تعال انت انت فين حتروح مني وراك وراك
ورجعت طالعت في عبدالله
ود بعصبية : انت ليش مشيته اساسا ليش تقلوا كلام على لساني غلط
هدات شوية مستغربة وتفكر وهوا استغرب من سكوتها وقال في نفسه شكلي عجبتها احم احم ويطالع فيها بغرور
بعدت ثواني انفجرت القنبلة الثانية وقالت
ود بعصبية اكبر : انت ميييييين اصلا عشان تدخل في اموري الخاصة
الا هوا اتفجع منها لدرجة رجع على ورا من قوة الصوت حقها
عبدالله : اهدي وفي خيمة جمبي فاضية
ود قالت بمقاطعة : لا لا لا لوسمحت انا في قسم البنات ما ابغا عند الاولاد
ابتسم باستهزاء : ليش هوا انتي مو من الشباب ؟؟؟
هيا شهقت : اهئ انــــــت عارف ايش سويت انت غلط عليا غلط عليا انت مين سمحلك تغلط عليا انت عارف انا مين
عبدالله : اهدي اهدي
ود : انت للمرة التانية بتغلط عيا
الا الجوهرة شافتهم من بعيد وجات لهم
الجوهرة : ايش فيكم ياجماعة
طالعت في ود
الجوهرة : ود ايشبك
ود : هادا اللي ما يتسمى بيدخل في اموري الشخصية
عبدالله بدا يعصب : هي انتي مو انا قلتلك خلاص اهدي
الجوهرة : اسفين اسفين اخويا خلاص روح
وهوا ماشي قال : ناااس مجنونة
قامت ود اشتعلت عصبيتها وقالت : بيقولي مجنونة
الجوهرة مسكتها بدل ما تتهور كفااية صراخ
ود : سيبيني عليه شفتي ايش قلي انا مجنونة سيبيني عليه سيبيني
الجوهرة : خلاص ود هدي تعالي عند البنات والشباب ولعوا حطب
ومشيت ود معاها بعصبية
××××××××××
المملكة العربية السعودية , جدة 6 المغرب
دق دق دق <<<< الباب
ام فارس : ادخلوا
سلطانة: هاااي
فيصل بضحكة : اهلن بصديقتي
سلطانة : هاااي صديقي
ام فارس وام سلطان يضحكوا على هبالت اولادهم
فيصل : الا اقول سوسو ايش اخبار الاء صحبتك
سلطانة بقهر منه : تسلم عليك
فيصل انبسط : الله يسلمها
×××××××××
امريكا , نيويورك
قاعدين حول الحطب طبعا مو كلهم عربين في اجانب بما انهم في جامعة اجنبية واللي يغني والي يلعب
ليان : اقول ود ترى الدنيا حبيبتي ما تستاهل كل هذي العصبية حيجي يوم وتتذكري اللي انا اقوله
جاه واحد من بين ليان وود ونط نطة خلت كل القاعدين ينفجعوا
فهد: جاكم فهووودي مطيح البناااااات
ليان طالعت باسف : استغفر الله اسغفرالله
وبعصبية : مو كفاية انك بتجاهر في المعصية وكمان مفتخر اقعد استغفر على الذنوب اللي بتاخذها
وبصراااخ : كم واحد ممكن ياخذك قدوة دحين
ود بقهر : ما كانك قبل شوية قايلة الدنيا ما تسوى العصبية
ليان : هدا شي غير هادا شي يمس دينك وايمانك وعاداتك وتقاليدك مو تفاها
فهد استغرب الا انفجع وضحك : ههههه ايش فيكي معصبة انا مطيح البنات
وطالع في الاجنبيات : انا مو مطيحكم يا بنات ؟؟
الاجنبيات مافهموه بس سلكوله وصفقوله : اوه اوه اوه اوه
فهد : شفتي
وبطريقة عفوية : انا مني كذاب
شهد بصوت واطي لود اللي فاطسة ضحك : وقفيها الهبلة دي لا تفضحنا قدام الناس
فهد بابتسامة : خلاص خلاص سامحيني سامحيني رغم انك هيئة بس مزززززززة
ليان اتوترت واعصبت : استغفرالله استغفر الله انا ماقدر اجلس في جلسة زي كدة
وقامت تبغا تمشي
فهد قالها : لا لا لا تعالي ياهيئة طب يامزة
طالعت فيه بخوف وعصبية وتوتر ووجريت لخيمتها
فهد طالع في ود وليان ورهف والجوهرة : صحبتكم دي تحفة
طلال يكلم سلطان بصوت واطي : هذا شكلوا خبرة
سلطان يضحك بصوت عالي شوية : ههههههههه
الا فهد يلف عله بطريقة مضحكة : تضحك عليا اضحك اضحك
طلال : ههههه حياك معانا في الشلة
فهد : انا داخل داخل اساسا باين عليكم فلة
سلطان يغمزله : هههههه وانت تعال هنا اعطينا من خبرتك نبغا نطيح بنات كدا
هنا الجوهرة انقرت منه وقامت متنرفزة راحت تمشي بقهر وتمشي وتمشي الا ..................
×××××××××××
انتهى البارت