يا اللي تسوق و ما تبالي المساليك ............. وش لك على اﻷخطار تسرع زياده
يا ساس عمد البيت أهلك تحاتيك ............. يا نورهم بالضي و عزة عتاده
ليه العجل يا خوي ليه المهاليك ............. و ليه الصبر ما عاد منه ركاده
ﻻ تسمح اﻹسفلت يا خوي ينهيك ............. خلك على متنه أميره و جواده
مابي لسبب حادث نوقف نصليك ............. حفرة قبر تبقى نتيجة حصاده
ليه التجاوز دامه الوقت يمديك ............. خل طيشك يسافر بخبثه و عناده
يكفي وجع ياخوي الله يخليك ............. يا كم راحت ناس الله و عباده
ﻻ تجعل الخﻼن بالدم تبكيك ............. ﻻ يغشك الهاتف و يآخذ مراده
أمك لها بالقلب أشواق تغليك ............. و معها سعد اﻻيام و برد الوساده
ﻻ ﻻ تدمر قلبها الله يهديك ............. و ﻻ ﻻ تعذبها بنار و رماده
طفل هناك يصيح و طفل يناديك ............. و طفل بحضن أمه حديث الوﻻده
ياخوي خف الهون و الله يجزيك ............. و إهدي لهيب الضيم لفحة براده
و إلزم حدود السير نور مساعيك ............. خلك على القدوه بحق و إراده
ﻻ تجعل الشيطان للشر يدعيك ............. و خلك على الطرقات شهم القيادة
رد مع اقتباس